Book Release: 2010

[jluvlenskie13]

Conquering The Pirate Lord

Simple lang ang plano ni Jeremie sa pagsama sa cruise— ang mag-relax bago siya bumalik sa Pilipinas at harapin ang mga responsibilidad niya sa pamilya niya.
Hanggang mapanalunan niya sa isang game ang isang date kasama si Lucian Montecillo, who was also known as the Pirate Lord. He owned Asia’s most promising cruise ship. Guwapo sana ito pero suplado at parang allergic sa mga babae.
Ayaw nito sa kanya and the feeling was mutual. Pero nang halikan siya nito, nayanig ang mundo niya at nagkabuhul-buhol ang tibok ng puso niya.
Natagpuan na lamang niya ang sariling nangangarap na sana ay madugtungan pa ang ugnayan nila…

[jluvlenskie13]

Stallion Island Series 6: Jairon Vince Yun

Kung may lugar sa mundo na ayaw tapakan ni Alexandrea, iyon na marahil ang Stallion Island Riding and Leisure Club. Kahit iyon pa ang pinakamagandang lugar sa mundo, hindi na niya nanaising makita pa ang ex-boyfriend niyang si Jairon Vince Yun. Nang mag-break sila ay hindi man lang siya hinabol nito. Ni minsan ay hindi nakiusap itong bumalik sa kanya. At hindi nito pinahalagahan ang pagmamahal niya kahit isinuko niya ang kanyang pangarap para dito.
But when her brother Alessandrace left for a Tibetan expedition, he left his martial arts dojo Mist Fusion into her hands. At ang aalalay sa kanya ay si Jairon.
Nagsilbing isang malaking battlefield ang Stallion Island para sa kanila ni Jairon. Subalit sino nga ba ang mananalo? Ang isip na nagsasabing hindi na niya dapat mahalin ito—o ang puso niyang hanggang ngayon ay hangal pa rin sa pagmamahal dito?

[jluvlenskie13]

Stallion Island 7: Alessandrace Sandejas

Bilang isang sikat na kayak explorer, naging misyon na ni Summeria at ng mga kapatid niya na makapagsagwan sa pinakamalalim na river gorge sa mundo—ang Tsangpo River ng Tibet. Subalit hindi matutuloy ang mapangahas na paglalakbay na iyon kung hindi kasama si Alessandrace Sandejas, ang lalaking minsan na niyang tinalikuran. At ngayon, siya ang naatasan na magsama rito sa Tibet o hindi matutuloy ang trip nila roon.
But Drace had a quiet life in Stallion Island now. Ang huling bagay na nanaisin nitong gawin ay ang bumalik sa delikadong exploration at ang makita siya.
Handa siyang gawin ang lahat para lang matuloy ang pagtungo nila sa Tibet kasama ito. Kahit maging alipin pa siya nito habang-buhay…

[jluvlenskie13]

Stallion Island Series 8: Torque Lopez III

Ikakasal na lang si Sissy sa guwapong boyfriend niyang si Leo nang makita uli nito ang dating nobyang may asawa at doon piniling sumama.
Ngunit kung kailan handa na siyang mag-move on ay saka naman ito bumalik at nakikiusap na ituloy nila ang kasal.
Nakaluhod pa itong nag-propose sa kanya sa harap ng maraming tao sa paborito nilang restaurant.
Tinabig niya ang kamay nito na may hawak na engagement ring. “Bakit ako magtitiyaga sa iyo? I got news for you, Leo. Malapit na akong umalis papuntang Stallion Island. Sa dami ng guwapo, sikat, at mayayamang lalaki roon, baka nga hindi na kita maalala. Kaya huwag ka nang umasa sa akin.”
“Excuse me,” bigla na lang sinabi sa kanya ng guwapo at matangkad na lalaki. He had dark, penetrating eyes that touched her soul. Nang mga oras na iyon, naglaho ang mundo at unang natunaw ang taksil na ex-boyfriend niyang si Leo. Nandito ba ito para sagipin siya mula sa kabiguan ng puso niya? Sa palagay niya ay kayang-kaya nitong tanggalin ang hinanakit sa puso niya.
Subalit parang wala itong plano na sagipin siya mula kay Leo. Ni hindi nga ito ngumingiti. Saka lang niya napansin ang singsing na nasa ilalim ng kopita ng white wine nito. Mukhang doon tumalsik ang singsing mula sa kamay ng kanyang ex na tinabig niya kanina…

[myprincerostam]

. . .w3w...manjan na c lucian na kasama nina avirell,deive,keiran at sidney...ahahaha...ano kay story nya...bangingi pa na man xah...ahah