Post by sofiajade on Mar 10, 2010 10:15:03 GMT 8
Bukod sa pagyaman ay may isa pang misyon si Leica sa pananatili sa Stallion Island—ang espiyahan si Warren Li para sa kaibigan niyang si Carlyn. Nangako itong pakakasalan ang kaibigan niya. Iyon pala ay nambababae lang ito sa isla. At sa kasamaang-palad ay isa siya sa mga babaeng iyon na inaakit nito. Sa isang ngiti lang nito ay nabibighani na ang mga babae rito.
Hindi siya immuned sa charm ni Warren, pero hindi ibig sabihin na katulad siya ng ibang mga babae na willing magpauto rito. Magagaya lang siya sa mga iyon na ibabasura lang nito pagkatapos.
Isang kaaway si Warren. Kaya nitong mapatalsik siya sa Stallion Island. At oras na mahuli siya nito sa pag-eespiya niya, hindi na siya makatutuntong pa roon—at kasama niyon ang paglaho ng pangarap niya.
Paano kaya kung ang igawad nitong kaparusahan sa kanya ay ang pagbihag sa puso niya.
